انتخبونى

لسنا دولة داخل دولة اعتبرونا ظل النظام ظل ينطق بكل ما اوتى له من قوة لكى يصل الى الحق والكرامة والنور والامان والراحة والامل ظل ينطق ويملأ الدنيا بالأمل فى غد أفضل ظل يحاول أن يجعل الأصل حقيقة والجمال لا يدوم دقيقة والامان له ألف طريقة وطريقة نصرخ لكم الان ونقولها لكم لا تتركونا لا تتجاهلونا فنحن نبحث عن الامان والكرامة والحق نحن نبحث عن النور والامل نبحث عن استقرار يدوم ويدوم ويدوم لست وطنيا ولا اخوانيا ولا شيوعيا لا يسارى ولا يمينى لا سنى ولا سلفى لكنى مصرى حقيقى يحب وطن ضاعت فيه كل معانى الوطنية يعشق تراب وطن باعه وباع معه جيل بل أجيال بأكملها مثله ।انا مصرى أعيش على هذه الأرض واتمنى ان ادفن فيها وعفوا للمتفذلكين والمتحذلقين من المسئولين الذين يتخذون من المال وطنا لهم وينسون انه لولا هذا الوطن ولولانا لما كانوا هم فى مواقعهم فلا ترفعون رايات اخرى غير رايتنا فأنتم لنا ومنا سواء دامت مواقعكم وكراسيكم او لم تدوم لذا
فقد قررت ترشيح نفسى رئيسا للجمهورية مثلى مثل كل الاخرين الذين يأملون ويرغبون فى غد أفضل وجميل ولنبدأ من الان فى تصحيح مسارنا نحن المصريون ولتكن لنا دولتنا التى نحلم بها وها أنا ذا ارشح نفسى رئيسا منها ولها ..............وليكن هناك مرشحين أخرين وكل منا يطرح برامجه التى يتمناها ويأمل بالعمل على تنفيذها ممن يجلسون على كراسى الحكم وانى اذ اطرح نفسى مرشحا عندى أمل كبير ان تكون هذه الدعوة مسار غد جميل ومستقبل مشرق لنا جميعا ...............فانتخبونى

فى انتظار الجميع عند صناديق الامل
محمد عبيد
maeam@link.net

مش عارف اقول ايه مش عارف اعمل ايه نفسى اصرخ .... حرية

دى مش حكومة دول شلة حرامية

والله اقسم بالله انا ما انا فاهم حاجة كل اصحابنا فى الغربة ما فى حد باسئله على موضوع الغلاء العالمى دهه اللى بيقولنا عليه الا ويقولى ان الاسعار عماله ترخص عيشهم بيرخص حياتهم بتحلو اشمعنى احنا انا مش فاهم والله ما فاهم اى حاجة اشمعنى مصر العربية انا زى ما قلت لكم قبل كده اننا خرجنا من احتلال الى احتلال بس من اهالينا اقصد مننا فينا يارب بقه اخرج من الدنيا دى على خير حاسس انى حا نفجر كل حاجة بقت وحشة العيشة وحشة واللى عايشين وحشين اقول ايه بس انا حتى الكلام مش عايز يخرج منى مع انى مخنوق اوى وتعبان اوى اوى اوى وحزين اوى اوى اوى اوى اوى بس فى الاخر قدر الله ما شاء فعل وحسبى الله ونعم الوكيل سالت واحد صاحبى عايش هناك فى افغانستان عن العيش والله قاللى جميل وياكل عيلة الرغيف وجبة لوحده وجميله وطعمه تحفة دا انا بسئله عن العيش بس مش قادر اساله عن اى حاجة تانية فى افغانستان البلد اللى بقالها مش عارف كام سنة فى احتلالات متواصلة والغجر هما اللى بيحكموها الان طبعا عارفين مين الغجر وعارفين هما هناك ليه بس انا تعبت والله تعبت لا عارف اعمل اى حاجة ولا عارف مش قادر حتى اتكلم معلش ادينى اتكلمت شوية يمكن حد يحس بيا

عيد 25 ابريل والا 6 ابريل والا 4 مايو

والله انا مبسوط اليوم النهاردة اجازة عيد يوم التحرير 25 ابريل حاجة حلوة الواحد يحس انه حر صح والا غلط تحرير الارض والعرض والشرف
مع انى حسيت النهاردة انى مش حر بس عرفت كان التحرير دا لصالح مين
انتم فاهمين حاجة والا عازين زيى حاجات ..............
عايزين الحاجة اللى بيشتروها ترخص شوية
عايزين عيش نظيف وموجود
عايزين ياكلوا لحمة فى الاسبوع مرة
عايزين مياه نظيفة
عايزين هوا نظيف
عايزين مواصلات سهلة
عايزين فاكهة طبيعية
عايزين نيل وخضرا
عايزين طرق محترمة
عايزين يتعلموا صح
عايزين يعيشوا صح
والنهاية ايه طيب حصل ايه الحكومة قامت عليهم وورتهم العين الحمرا جرجرتهم ونرفزتهم وخلتهم يعملوا اللى هيا عايزاه شوفوا الحكاية دى غريبة شوية بس انا طول عمرى اسمع حاجات زى دى ان الحكومة دايما بتعمل كده علشان تحقق اهداف لها بتعمل كده علشان كل حاجة تبقى فى صالحها الحاجة الوحيدة اللى ما نفعتش معانا يوم ما قالوا حا نعمل انتخابات حرة ونزيهة وحا نعملها على 3 مراحل وفى اول مرحلة لما الناس راحت انتخبت الاخوان المسلمين رجعوا فى كلامهم على طول وقفلوها على الاخر من تانى وندمت الحكومة على اللى عملته وقال ايه حرية سلام يا حرية اما نشوف حا يحصل ايه فى 4 مايو بيقولوا من دلوقتى وباقول معاكم انا قاعد فى البيت ولو نزلت حالبس اسود وحا علق علم اسود
لانى مش لاقى الحرية انا مسجون جوة سجن كبير قوى زى كل الناس فى بلادى
وبيقولوا تحرير وبيقولوا حرية هاهاهاها شيلااااه يا حرية والله ما فى حرية ولا يحزنون دى اغانى بس ولا تحرير ولا يحزنون
دى شعارات وبس احنا سابنا استعمار ومسكنا استعمار تانى كان اجنبى بقى وطنى شيلاااااه يا وطن

حلم

صحيت اليوم من النوم عادى........ زى كل الناس عاوز اروح لميعادى الذى لا استطيع ان أتأخر فيه ابدا وهو صلاة الجمعة بس كنت مش عايز اصحى ؟............. شفت حلم غريب وعجيب خير اللهم اجعله خير ...................... شفت الخير شفت حاجات جميلة قوى ؟.... شفت ابويا وشفت جدى وشفت السادات وشفت الدرة وشفت القدس شفت الاحرار فى سيناء ايام النكسة وشفت الجيش وهو بيعبر لها فى رمضان 73 ...........................شفت احلامى بتتحقق فى مصر .....................شفت الناس وهى بتحب بعضها لسة ....................شفت اخ واب وام واخت شفت العيلة الحلوة شفت اللمة والجيرة شفت الهمة الكبيرة ............. شفت الحلم العربى الاصلى شفت البنت والولد المصرى شفت الكورة وهى جميلة شفت السينما وهى اصيلة ..................شفت شوارع شفت كلام شفت حقيقى مش احلام
عايز احكى معاكوا الحلم
عايز اصحى معاكوا كمان ..................عايز اتكلم مش عايز انام ؟؟............................تيجوا معايا نشوف حانروح تيجوا معايا نرد الروح تيجوا نصطاد تيجوا نعيش تيجوا نشجع الدراويش